Njerëzit të cilët kanë marrë vaksina mARN, siç është Pfizer dhe Moderna kanë deri në 91% më pak gjasa të preken nga Covid-19 sesa ata që nuk janë vaksinuar.
Në ato pak raste kur infeksioni zhvillohet akoma, vaksinat zvogëlojnë ashpërsinë e simptomave dhe shkurtojnë kohën e shërimit.
Studiuesit nga Universiteti i Shëndetit në Utah arritën në këtë përfundim me një studim të botuar në revistën “New England Journal of Medicine”.
Sondazhi, i cili bazohet në të dhënat paraprake nga Qendrat për Kontrollin dhe Parandalimin e Sëmundjeve (CDC) në Mars, u krye për të vlerësuar rreziqet dhe normat e infeksionit midis personelit mjekësor.
Morën pjesë në studim rreth 3.975 individë. Ata dërguan mostra për testimin e Covid-19 për 17 javë midis 13 dhjetorit, 2020 dhe 10 prillit 2021. Ata gjithashtu raportuan çdo javë nëse kishin simptoma të ngjashme me koronavirusin, duke përfshirë ethe, temperaturë, humbje të shijes dhe erë. Hulumtimi zbuloi se vaksinat e ARN-së kishin efektshmëri me 91% për të zvogëluar rrezikun e infeksionit dy javë pas marrjes së dozës së dytë.
Vetëm 204 persona (5%) rezultuan pozitivë për Covid-19.
Prej tyre, 156 ishin të pavaksinuar, 32 kishin status të vaksinimit të papërcaktuar dhe 16 ishin vaksinuar pjesërisht. Këto të fundit kishin simptoma më të lehta sesa ata që nuk kishin marrë vaksina.
Më konkretisht, prania e etheve u zvogëlua me 58% dhe hospitalizimi u ul me 60% midis subjekteve që zhvilluan një infeksion të papritur. Këto zbulime tregojnë gjithashtu se njerëzit e vaksinuar që kontraktojnë koronavirusin mund të kenë më pak aftësi për të përhapur patogjenin se të tjerët. Sarang Yoon,autor i studimit përfundon: “Shpresoj që këto rezultate të sigurojnë publikun se vaksinat e ARN-së janë të sigurta dhe na mbrojnë nga kjo sëmundje e rëndë”. / Il Giornale
English
Arabic
Chinese (Simplified)
Dutch
French
German
Italian
Portuguese
Russian
Spanish