Një robot që mund ta kesh edhe si shok…Musk prezanton robotin që punon dhe kryen detyra që vetëm njerëzit mund t’i bëjnë

Kompania Tesla e Elon Musk do të ndërtojë një robot humanoid të quajtur Tesla Bot.

Sipas Musk, nëse një robot humanoid punon dhe mund të kryejë detyra të përsëritura që vetëm njerëzit mund t’i bëjnë sot, ai ka mundësinë të transformojë ekonominë botërore duke ulur kostot e punës.

“Është menduar të jetë miqësor, natyrisht, të lundrojë nëpër një botë njerëzish dhe të eliminojë detyrat e rrezikshme, të përsëritura dhe të mërzitshme,” tha Musk.

“Ne jemi gjithashtu të mirë në sensorë dhe bateri dhe me siguri do të kemi një prototip vitin e ardhshëm që duket kështu”, tha Musk gjatë njoftimit, duke treguar si do të duket roboti Tesla përmes një aktori, i cili u shfaq në skenë. Ai vuri në dukje se aktori nuk ishte një robot i vërtetë, por Tesla Bot do të jetë i vërtetë.

Mënyra që ai zgjodhi për prezantimin e robotit bëri xhiron e mediave, madje disa mendojnë se Musk nuk e ka marrë aspak seriozisht punën e krijimit të robotit.