TIRANË, 26 gusht/ATSH/ Bashkëpunimi i dy institucioneve si ai i Qendrës Kombëtare të Librit dhe Leximit me atë të Teksteve dhe Dorëshkrimeve Moderne (ITEM) në Francë, do të mundësojnë krijimin e institucionit të Dorëshkrimeve dhe Teksteve.
Drejtoresha e QKLL, Alda Bardhyli shprehet se “është shumë e rëndësishme të nxisim një politikë të re, për t’i trajtuar dorëshkrimet si një pjesë e rëndësishme e shtratit kulturor, jo vetëm në mënyrën sesi është ndërtuar një tekst letrar, por dhe për vlerën historike që mbartin”.
“Shekulli XXI mund të shënojë fundin e një epoke që ka të bëjë me dorëshkrimet në letër, ndërsa teknologjia tashmë gjurmon format elektronike të krijimit të një teksti, duke qenë se pjesa më e madhe e autorëve shkruajnë direkt në kompjuter”, u shpreh
Autorët shqiptarë që kanë bërë historinë e letërsisë shqipe e kanë merituar prej kohësh këtë vëmendje duke e konsideruar këtë fond një pjesë shumë të rëndësishëm të letërsisë shqiptare.
Prej kohësh është punuar që dorëshkrimet e shkrimtarëve shqiptar të grumbullohen pasi ato ndodhen në familjet e autorëve dhe në këtë mënyrë është i pavlerësuar ky thesar.
Ngritja e këtij institucioni do të krijonte më në fund thesarin kombëtar të letrave shqipe. Drejtoresha e QKLL, Alda Bardhyli së bashku me Jean-Luc Puyau atashe për përhapjen e gjuhës franceze në Shqipëri së shpejti pritet t’i japin jetë këtij projekti ambicioz. /j.p/
English
Arabic
Chinese (Simplified)
Dutch
French
German
Italian
Portuguese
Russian
Spanish