Apple mund të prezantojë numrin më të madh të produkteve gjatë eventit të vitit 2022

Pritet që Apple gjatë këtij viti të prezantojë një shumëllojshmëri produktesh të reja, duke filluar që nga iPhone-t e deri tek Macbooks. Me shumë mundësi ky do të jetë viti që do të prezantohen numri më i madh i produkteve gjatë një eventi në historinë e Apple.

Për sa i përket serisë së re të iPhone-ve, Apple do të vijë disi ndryshe këtë vit. Do të prezantohen 4 pajisje të ndryshme, iPhone SE 5G, iPhone 14, iPhone 14 Pro, dhe iPhone 14 Pro Max. Megjithatë mund të ndodhë që kompania të zëvëndësojë variantin mini me një smartphone me ekran 6.7 inç të quajtur iPhone Max, për shkak të performancës së dobët të iPhone mini.

Apple po punon gjithashtu për të sjellë një iPad me çmim të arsyeshëm, i cili do të përdorë dizajnin e vjetër me bezels të trasha dhe jo dizajnin e ri. Gjithashtu kompania mund të prezantojë një version të update-uar të iPad Air (i cili nuk është update-uar që nga vitit 2020) dhe iPad Pro me një proçesor të ri dhe kamera të përmirësuara.

Nga ana tjetër Apple do të prezantojë dhe disa versione të reja laptopësh, një MacBook Prolow-end, një MacBook Air të ridizenjuar, një iMac me ekran më të madh dhe një Mac Protë ri.

Produktet që do të prezantohen këtë vit nuk kanë të ndalur, pasi listës i bashkohen dhe AirPods Pro dhe Apple Watch. Gjatë eventit të vjeshtës pritet të prezantohet Apple Watch Series 8 dhe një model SE, bashkë me gjeneratën e dytë të AirPods Pro.