Kullë e re në Tiranë/ “Vidhet lulishtja e Ajdin Sejdiut”, shpallet projekti fitues i dikujt tjetër.

5 studio të famshme arkitekturore paraqitën projektet e tyre për ndërtimin e një kulle polifunksionale në qendër të Tiranës, në përshtatje edhe zhvillimin urbanistik dhe zonën përreth qendrës.

Fituesi i konkursit u shpall nga arkitekti i famshëm italian Stefano Boeri.

Për kryeministrin Edi Rama, njëherësh edhe anëtar jurie, ky do jetë një xhevahir i radhës në zhvillimin e kryeqytetit

Kryetari i Bashkisë, Erjon Veliaj u shpreh se benefitet e zhvillimit të kryeqytetit po i ndjejnë të gjithë.

“Tirana Multifuncional Center” do të jetë ndërtesa më e re që do të ngrihet në zemër të Tiranës, pas Pallatit të Kulturës, e do të përmbajë qendra biznesi, hoteleri, argëtim dhe zyra, duke kompletuar kurorën rreth sheshit Skënderbej.