Shkatërrohen dy plantacione kanabisi në Spanjë, në pranga 6 shqiptarë…

Gjithashtu janë sekuestruar pajisje të shumta për mirëmbajtjen e infrastrukturës për kultivimin e marijuanës.

SPANJË- Agjentët e Policisë Kombëtare kanë arrestuar gjashtë persona me origjinë shqiptare gjatë operacionit në Delhi të akuzuar  për krim kundër shëndetit publik. Gjithashtu janë sekuestruar pajisje të shumta për mirëmbajtjen e infrastrukturës për kultivimin e marijuanës.

Policia Kombëtare mësoi se në një shtëpi të vetme në La Móra shqiptarët po i përkushtoheshin kultivimit të marijuanës në ambiente të mbyllura. Pas vëzhgimeve të shumta në zonë për parandalimin e kultivimit dhe trafikut të lëndëve narkotike, ata lokalizuan banesën e një familjeje dhe kanë vazhduar hyrjen në të. Aty arrestuan tre persona dhe sekuestruan 780 bimë marihuanë, si dhe 9620 kg sytha dhe një pushkë.

Në një fazë të dytë, si rezultat i një ankese anonime, ata mësuan për një plantacion në natyrë në Valls. Pasi u verifikua vërtetësia e së njëjtës dhe pas kryerjes së vëzhgimeve të ndryshme, u konstatua një pronë e madhe bujqësore, e vendosur në një poligon të qytetit të lartpërmendur me 4476 bimë dhe 780 gram sytha. Ky ruhej nga tre persona po ashtu shqiptarq të cilët u arrestuan.  Ky lloj i plantacioneve të brendshme karakterizohet nga një konsum i lartë i energjisë elektrike. Operatorët e një kompanie elektrike konfirmuan një konsum shumë të lartë për këtë lloj godine.