1200 kg kokainë nga Panamaja në Belgjikë, arrestohen 5 persona mes tyre dhe një shqiptar  

Shërbimet doganore në Roterdam kontrolluan kontejnerin, hoqën kokainën dhe mbushën çantat e zeza sportive me blloqe false.

BELGJIKË- Një shqiptar është arrestuar nga autotritetet belge së bashku me 4 persona të tjerë. Mësohet se policia federale e Antwerpen dhe autoritetet doganore në Roterdam gjetën 1200 kg kokainë në një kontejner që do të vinte nga Panamaja në Roterdam dhe Antwerp. Gva.be shkruan se kontejneri u devijua në një kasolle në ëilrijk, pas së cilës policia ishte në gjendje të arrestonte pesë të dyshuarit.

Kontejneri mbërriti në Roterdam javën e kaluar me anijen MSC Sasha. Shërbimet hetimore ishin në dijeni të qartë se në anije kishte një kontenier me kokainë, me destinacion Antwerpen. Shërbimet doganore në Roterdam kontrolluan kontejnerin, hoqën kokainën dhe mbushën çantat e zeza sportive me blloqe false.

Kontejneri u kthye në anije, pas së cilës MSC Sasha vazhdoi udhëtimin e tij për në Antwerp. Kamioni u nis me kontejnerin në një magazinë në Oudebaan në Wilrijk, ku organizata do të shpërndante më tej grupin e drogës. Më pas oficerët e policisë federale hynë në magazinë ku arrestuan 5 personat mes tyre një shqiptar dhe një detektiv privat holandez.