Përmirësimi i Windows 11 shton fuqinë AI në Bing si dhe një screen recorder të integruar

Përmirësimi i ri i Windows 11 do të shtojë në taskbar fuqinë e inteligjencës artificiale të integruar në Bing. Ky shërbim së bashku me disa ndryshime të tjera të rëndësishme do të vijë në Windows 11 përmes një security update që do të vijë drejt përdoruesve gjatë muajit të ardhshëm.

Për të aksesuar Bing-un e ri ju do të mund të klikoni në ikonën e re brenda kutisë së kërkimit. “Tashmë me Bing-un e ri të fuqizuar nga AI që do të jetë qendra e kësaj eksperience ju do të ndiheni të fuqizuar për të gjetur përgjigjet që kërkoni, më shpejt se kurrë.” tregon drejtuesi i lartë në Microsoft Panos Panay në deklaratën e tij.

Megjithatë jo të gjithë personat që rifreskojnë versionin e Windows në 22H2 do të fitojnë akses të menjëhershëm në Bing-un e ri. Është e nevojshme që këta pëersona të regjistrohen në waitlist të publikuar më parë nga Microsoft. Kompania ka vendosur gjithashtu të limitojë aftësitë e inteligjencës artificiale për shkak të përgjigjeve të çuditshme që mund të gjeneroheshin gjatë bisedave të gjata.

Gjithashtu në këtë update të Windows 11 do të shtohet dhe një shërbim i ri, ai i regjistrimit të ekranit nëpërmjet Snipping Tool që është i integruar në sistem. Më parë Snipping Tool mund të përdorej vetëm për të bërë screenshot.