Pas institucioneve të BE-së, Shteteve të Bashkuara, Kanadasë dhe Francës, edhe Belgjika vendosi sot të ndalojë ministrat federalë dhe nëpunësit civilë të përdorin TikTok në telefonat inteligjentë dhe kompjuterë për shkak të defekteve në aplikacion në lidhje me sigurinë.
Këshilli i Sigurisë Kombëtare e shqyrtoi çështjen pas disa kërkesave të kryeministrit Alexander de Croo. Si Sigurimi Shtetëror ashtu edhe Qendra për Sigurinë Kibernetike të Belgjikës kanë paralajmëruar se “TikTok mbledh një sasi të madhe të dhënash nga përdoruesit, pa dijeninë e tyre, mund të manipulojë lajmet dhe përmbajtjen përmes algoritmeve, ndërsa ligji kinez e detyron TikTok të bashkëpunojë me shërbimet e inteligjencës kineze”, thekson Soir.
“Një vendim logjik dhe i nevojshëm” tha zëvendëskryeministri belg Georges Gilkinet.
Dje i njëjti vendim u miratua nga qeveria flamande dhe qeveria valone e drejtuar nga Elio di Rupo pritet të bëjë të njëjtën gjë shumë shpejt. /abcnews.al
English
Arabic
Chinese (Simplified)
Dutch
French
German
Italian
Portuguese
Russian
Spanish
