Shkon në 12 numri i viktimave nga tërmeti që goditi Afganistanin dhe Pakistanin

Ka shkuar në 12 numri i personave që humbën jetën nga tërmeti që goditi Afganistanin dhe Pakistanin ndërsa 200 të tjerë u plagosën, pasi një tërmet me magnitudë 6.5 ballë të shkallës Rihter goditi Afganistanin dhe Pakistanin.

Në të dyja vendet pati shkatërrime të mëdha të ndërtesave.  Tërmeti u ndje në një rreze prej më shumë se 1000 kilometrash, në një zonë ku jetojnë rreth 285 milionë njerëz në Pakistan, Indi, Uzbekistan, Taxhikistan, Kazakistan, Kirgistan, Afganistan dhe Turkmenistan, tha Qendra Sizmologjike Europiane-Mesdhetare.

Ndërkohë rrëshqitjet e dheut bllokuan edhe disa nga rrugët kryesore në qytetin verior pakistanez të Abbotabad.