Kamionët me ndihma futen përmes bombardimeve në Gaza, autokolona hyn përmes Egjiptit

Pavarësisht bombardimeve, një tjetër autokolonë hyri në Gaza përmes kalimit të Rafahut. Bëhet fjalë për grupin

dytë pas 20 kamionëve të parë që kaluan pikën kufitare ditën e shtunë. Si Shtetet e Bashkuara dhe Izraeli kanë garantuar se rrjedha e furnizimeve me ndihma do të vazhdojë.

Martin Griffiths, shefi i operacioneve humanitare të OKB-së, ka konfirmuar ardhjen e 14 kamionëve të tjerë me ndihma, duke deklaruar se ato përbëjnë një tjetër shpresë të vogël për palestinezët, edhe pse ka paralajmëruar se ata kanë nevojë për shumë më tepër.

Që prej 7 tetorit, popullsia në Gaza është gjendur nën rrethimin e Izraelit, që bllokoi furnizimet dhe organizatat humanitare ndërkombëtare që bënë thirrje për një mbështetje urgjente me ndihma për civilët.

Pas një telefonate të zhvilluar me kryeministrin izraelit Benjamin Netanyahu, presidenti amerikan Joe Biden deklaroi se ndihmat po u shpërndahen palestinezëve në nevojë.

Dy liderët diskutuan edhe për përpjekjet e vazhdueshme për të siguruar lirimin e të gjitha pengjeve të mbetura në duart e Hamasit.