Jeta e vështirë në Gaza, nga banorët e enklavës, shkatërrimit, varfërisë dhe bombave

Palestinezët përshkojnë në këmbë në mes të shiut tregun e Rafahut, pranë kufirit me Egjiptin, pas një nate të dendur me reshje dhe kur agjencitë ndërkombëtare të ndihmave flasin për një katastrofë humanitare.

Kur u zgjova dhe pashë shiun iu luta Zotit që të ndihmojë të zhvendosurit të strehuar nëpër shkolla dhe ata që kanë mbetur rrugëve. Ata janë njerëz dhe kanë nevojë për një strehë. Ku është OKB-ja?” thotë Mahmoud Bakir, banor i Rafahut.

Jeta na është kthyer përmbys. Rutina e përditshme, kur hanim, pushonim dhe flinim normalisht ka ndryshuar tërësisht. Tani flemë nën zhurmën e shpërthimeve dhe kur zgjohemi mësojmë se të afërmit tanë kanë vdekur”, shprehet Mahmud Qashta, i zhvendosur nga Qyteti i Gazës. Më 13 nëntor, agjencia palestineze e lajmeve “Wafa” publikoi një video ku banorët e Rafahut, në jug të Gazës, mbanin radhë për ushqim në një kuzhinë në qiell të hapur, teksa bombardimet izraelite të enklavës palestineze në kuadër të luftës me Hamasin vazhdonin.