Ka ardhur koha që Danie Craig të nderohet me yllin e tij në Walk of Fame në Hollyëood. Aktori është “James Bond-i” i katërt që merr yllin e tij dhe në fakt, do të jetë pranë atij të Roger Moore. Aktori i parë që luajti agjentin 007, Sean Connery – megjithëse ishte shumë i suksesshëm në rolin e tij – nuk arriti të merrte yllin e tij.
“Daniel Craig është një ikonë kulturore britanike, siç është James Bond, njeriu që ai ka portretizuar në pesë filma 007. Ne jemi të ngazëllyer të vendosim yllin e tij në Walk of Fame pranë yllit të një aktori tjetër të famshëm, i cili gjithashtu portretizoi James Bond, Roger Moore.”, thuhet në njoftim.
Kujtojmë që pasi i dha lamtumirën James Bond, aktori do të interpretojë një tjetër rol të rëndësishëm. Ai pritet do të jetë në Makbeth në Broadway. Prodhimi i ri, me aktoren britanike Ruth Negga si Lady Macbeth, do të transmetohet më 29 mars dhe do të zgjasë për 15 javë. /abcnews.al
