Madonna e filloi koncertin e saj në Brooklyn me tre orë vonesë. Ylli i popit mërziti audiencën e saj të mërkurën mbrëma pasi ajo nuk arriti t’i përmbahej orarit të saj dhe u shfaq në skenë në orën 23:00. Koncerti ishte planifikuar të fillonte në orën 20:30, por Madonna më në fund doli në skenë pothuajse tre orë më vonë, duke e lënë turmën e pranishme të zhgënjyer.
Twitter vërshoi me postime, me fansat e zemëruar të yllit që e akuzuan atë si “të pasjellshme”. “Nuk më intereson nëse je Madonna. Nëse vonohesh tre orë, je thjesht e pasjellshme,” shkroi njëri, ndërsa tjetri shtonte: “Koncerti duhej të fillonte në orën 8:30. Madonna filloi në orën 23:00. E gjithë arena po bërtiste për vonesën e saj. Shfaqje e bukur, por shkoi shumë vonë.” Një burim i afërt me Madonna tha për Page Six të enjten në mëngjes se kishte disa probleme teknologjike gjatë kontrollit të zërit, duke e detyruar këngëtaren të vonohej. Performanca e Mbretëreshës së Popit, megjithatë, mori vlerësime. Disa fansa arritën në përfundimin se në fund të fundit ia vlente të pritej.
