Mbretëresha Elizabet II mbylli sytë më tetë shtator në moshën 96-vjeçare, pas shtatë dekadash në fron.
Pas ceremonive disa ditore, këtë të mërkurë arkivoli i monarkes ka mbërritur në Pallatin e Westminsterit.
Që pas lajmit të vdekjes mijëra njerëz janë mbledhur në sheshe, për të ndjekur intenerarin e arkëmortit të Mbretëreshës.
Në kohën kur Elizabet u bë mbretëreshë në vitin 1952, ajo ishte tashmë nënë e dy fëmijëve. Karli lindi në 1948, një vit pas martesës së saj, dhe Anne dy vjet më vonë në 1950.
Elizabet shpesh ndahej nga fëmijët e saj të vegjël, edhe para se të bëhej mbretëreshë, pasi kishte marrë përsipër angazhimet e babait të saj të sëmurë.
Por pas ngjitjes në fron në moshën 25-vjeçare, vitet e para të mbretërimit të saj iu kushtuan vetëm ndjekjes së gjurmëve të babait, duke provuar se ishte mjaft e mirë për këtë punë.
Kjo nënkuptonte periudha më të gjata larg fëmijëve. Vetëm në vitet 1960, kur ajo lindi Andrew dhe Edward, mbretëresha ishte në gjendje të balanconte rolet e saj si monarke dhe nënë në mënyrë më të barabartë.
Më poshtë do të ndiqni një vështrim të disa nga momenteve më të famshme të ballkonit të Mbretëreshës që qëndroi për 70 vite në fron.
