Ngjyrat më hot në botën kozmetike, për momentin janë metaliket. Ashtu si edhe në veshje, metaliket këtë verë janë bërë tendencë edhe e duarve. Mes shumë nuancave verore dhe ngjyrave të ndezuara, vajzat po kërkojnë gjithmonë e më shumë thonjtë pasqyrë.
Mirror Nail, siҫ sugjeron edhe emri, ka një nuancë reflektive, unike dhe ndryshe nga të gjitha ngjyrat dhe nuancat e smalteve që ke përdorur ҫdo sezon të nxehtë, shumë moderne dhe duket shpesh herë transparente.
Efekti pasqyrë mund të realizohet në disa nuanca.
Ngjyrat metalike në thonj mund t’i realizosh edhe në kushte shtëpie, vetëm me dy hapa: fillimisht një bazë manikyri me ngjyrë të errët, pasatj argjendin, pastaj një shtresë mbrojtëse transparente.
Mënyra se si mund ta realizosh efektin pasqyrë në shtëpi është shumë e thjeshtë. Mjafton të kesh disa lloje tone për sytë me ngjyra metalike. Në videon e mëposhtme është fare e qartë mënyra për të përfituar smaltin perfekt dhe ngjyrën metalike me efektin pasqyrë.
Ҫfarë duhet të bësh? Me furҫën e tonit të syve përhap mbi thoin e lyer me një bazë të errët pak ton sysh. Aplikoje me kujdes në thua (si në video) derisa të kesh arritur rezultatin e dëshiruar. Në fund, si mbrojtës, përdor një bazë manikyri transparente në mënyrë që efekti pasqyrë të zgjasë.risi3d.com
