Grabitje, zënka, sulme të dhunshme por edhe një vendtakim i kriminelëve. Këto janë arsyet që e shtynë komisarin e policisë së Romës, Roberto Massucci, të mbyllte për dhjetë ditë McDonald’s në zonën pranë stacionit hekurudhor të Terminit. Një masë e marrë në bazë të nenit 100 të TULPS (Ligji i Konsoliduar për Ligjet e Sigurisë Publike) pasi situata po bëhej kritike ku të paktën shtatë incidente u raportuan në tre javët e fundit. Sipas policisë te ky biznes po shtoheshin sjelljet e paligjshme duke u bërë efektivisht një vend takimi i zakonshëm për njerëz të dhunshëm dhe për rrjedhojë i rrezikshëm për shoqërinë.
Ndër rastet e fundit ishin dy arrestime për trafik droge që ndodhën brenda ambienteve, një sherr mes klientëve ndërsa jo shumë larg restorantit të ushqimit të shpejtë, shtetasi peruan Jarol Bernaola u vra më 8 shtator, i goditur me thikë nga një bashkatdhetar me të cilin kishte debatuar për një vajzë.
Një javë më vonë ishte rasti i një personi që kishte sulmuar dhe grabitur 4 turistë polakë, më pas kishte shpenzuar 120 euro në McDonald’s duke përdorur kartën e tyre të kreditit.
