Dhoma e Përfaqësuesve ka votuar për përjashtimin e republikanit të Nju Jorkut, George Santos për shkelje të etikës. Sipas CNN, ai është ligjvënësi i gjashtë që është përjashtuar nga Dhoma e Përfaqësuesve. Rezoluta kërkonte dy të tretat e votave për të arritur në përjashtimin e tij. Kryetari i Dhomës së Përfaqësuesve, Mike Johnson, njoftoi se 311 anëtarë të Dhomës votuan për përjashtimin e Santos, ku përfshiheshin 105 republikanë. 114 të tjerë votuan kundër përjashtimit, me dy anëtarë që e regjistruan veten “të pranishëm”.
Të katër udhëheqësit kryesorë të GOP të Dhomës së Përfaqësuesve, përfshirë Johnson, votuan për të mbajtur Santos në Kongres.
Santos është anëtari i parë i Kongresit që u përjashtua pas Luftës Civile.
Çfarë ndodh më pas: Sipas një ish-deputeti të Dhomës së Përfaqësuesve, një përjashtim trajtohet administrativisht në të njëjtën mënyrë si një vend vakant, duke përfshirë vdekjen ose dorëheqjen. Nëpunësi i Dhomës merr kontrollin e zyrës dhe merr vendime në emër të asaj zyre. Ata do të vendosin se si të “pastrohet” zyra e Santos, ndër të tjera.
Nëpunësi i dhomës do të informojë guvernatorin e Nju Jorkut se tani ka një vend vakant në qarkun e tretë të Nju Jorkut. Më pas i takon guvernatores demokrate Kathy Hochul të caktojë një zgjedhje speciale për ta zëvendësuar atë.
