“Little Mix” kanë qenë së bashku për një dekadë duke u bërë një nga grupet më të suksesshme të vajzave në botë.
Por shpërbërja e grupit muzikor në vitin 2020 jo vetëm tronditi fansat, por edhe vetë anëtaret e grupit. Leigh-Anne Pinnock ka folur për vendimin e Jesy Nelson për t’u larguar nga grupi. Ajo është shprehur se së bashku me të edhe dy anëtaret e tjera të grupit shkuan në terapi për shkak të trishtimit që ndjenë pas shpërbërjes së grupit.
Këtë e ka bërë të ditur vetë këngëtarja në një libër autobigrafik të titulluar ‘Believe“.“Ne ishim një familje, të katërta ne ishim si motra dhe kemi qenë të tillë që kur ishim adoleshente, ndaj nuk është e tepërt të thuash se largimi i një anëtari ishte një përvojë traumatike”-shprehet ajo.
Që prej ndarjes së grupit, këngëtarja është futur në botën e aktrimit me role të vogla filmike, ndërsa është fokusuar tek mëmësia e binjakëve të saj, të cilët kanë lindur në gusht të vitit 2021.
