Dy anëtarët e FSB-së, agjencia pasardhëse e KGB-së, supozohej të kishin përgatitur terrenin për pushtimin rus në Ukrainë.
UKRAINË- Presidenti Putin ka arrestuar dy agjentët e shërbimit sekret rus. Sipas Fox News, dy anëtarët e FSB-së, agjencia pasardhëse e KGB-së, supozohej të kishin përgatitur terrenin për pushtimin rus në Ukrainë. Dy agjentet thuhet se janë nën arrestin e shtëpisë.
Fox News ka ngritur disa pyetje se përse ka ndodhur arrestimi i dy agjentëve: “Pse ukrainasit nuk i pritën ushtarët rusë? Ku shkuan paratë e destinuara për atë operacion? A u shpenzuan apo u vodhën në mënyrë të pamatur nga ata që ishin në krye të tij?”
Nuk kishte turma që përshëndetën forcat ruse me lule, siç e kishin parashikuar disa në Rusi.
“Kjo nuk ka ndodhur kurrë. Dhe ka të bëjë edhe me keqpërdorimin e fondeve të shpenzuara në rrjete ndoshta imagjinare të agjentëve,”– ka thënë Andrei Soldatov i Qendrës për Analizën e Politikave Evropiane (CEPA).
