KENIA- Rrëzimi i një helikopteri ushtarak në Kenia, pranë kufirit me Somalinë, shkaktoi 8 viktima. Forcat e mbrojtjes keniane po operojnë në rajon për të ndihmuar në frenimin e ekstremistëve të lidhur me Al-Kaedën nga grupi Al-Shahab, me bazë përtej kufirit në Somali.
Ministria e Mbrojtjes tha se helikopteri i Forcave Ajrore u rrëzua gjatë një patrullimi gjatë natës. Në vendngjarje është nisur komisioni hetimor. Një zyrtar i mbrojtjes dhe një zyrtar i policisë thanë se i gjithë personeli ushtarak dhe anëtarët e ekuipazhit në bordin e helikopterit kishin vdekur.
Trupat keniane janë gjithashtu të pranishme në Somali si pjesë e Misionit Tranzitor të Bashkimit Afrikan në Somali për të ndihmuar në luftën kundër Al-Shabab. Forcat keniane u dislokuan në Somali në vitin 2011, por tani ka plane për të tërhequr forcat shumëkombëshe pasi trupat somaleze marrin përsipër sigurinë e vendit të tyre, shkruajnë mediat e huaja.
Al-Shabab ka shtuar sulmet në Kenia muajt e fundit, duke vrarë dhjetëra njerëz në rajonin kufitar, pasi ekstremistët ndjejnë presion nga një ofensivë ushtarake somaleze e nisur vitin e kaluar.
