Tensioni i lartë i gjakut është serioz. Hipertensioni mund të shkaktojë sëmundje të zemrës dhe veshkave, goditje në tru dhe probleme të tjera të rënda shëndetësore. Shtatëdhjetë e pesë milionë amerikanë vuajnë nga presioni i lartë i gjakut dhe një përqindje e mirë nuk e kuptojnë, sepse nuk ka simptoma.
Mosha juaj, historia familjare, gjinia dhe raca mund t’ju vënë në rrezik, por edhe dieta juaj. Ushqimi për të kontrolluar presionin e gjakut është mjaft i thjeshtë dhe i zbatueshëm. Së pari, ju duhet të hiqni kripën (natriumin). Së dyti, ju duhet të hani një dietë të pasur me kalium, magnez dhe fibër.
Më poshtë është edhe një listë me ushqimet që ju vijnë në ndihmë.
FRUTAT
Rekomandohen frutat që janë të larta në kalium, magnez dhe fibra. Kështu, shijoni një mollë, kajsi, banane, hurma, rrush, mango, portokalle, pjeshkë, shegë dhe mandarina. Me një larmi të tillë, ju nuk do të mërziteni. Veç sigurohuni që po hani gjërat e vërteta. Ju duhen fibra, jo sheqer në lëngjet e frutave. Përjashtim bën lëngu i shegës së pastër. Një filxhan në ditë për katër javë ul presionin e gjakut.
LULESHTRYDHET
Luleshtrydhet janë të pasura me flavonoide. Duket se flavonoidët mund të ulin presionin e gjakut. Hajini ato të papërpunuara ose të ngrira, për efekt më të mirë. Sipas studimeve, një filxhan në javë do të japë rezultate. PERIME Provoni brokoli, karota, bishtaja dhe bizele, fasule, patate, kunguj, patate të ëmbla dhe domate.
PRODUKTE DETI
Acidet yndyrore Omega-3 janë yndyra super të shëndetshme, që trupi juaj duhet të funksionojë siç duhet. Omega-3 mund të ulë presionin e gjakut, zvogëlon inflamacionin dhe ul trigliceridet. Ato gjithashtu përmbajnë vitaminë D, e cila ul presionin e gjakut. Hani salmon, troftë dhe ton.
FARËRAT DHE ARRA
Shijoni po ashtu, farërat e pakripura si luledielli, kungulli ose fara të tjera. Ato janë plot me minerale me aftësi për të ulur presionin e gjakut. Sigurohuni që nuk janë të kripura. Bajame, arra, lajthi janë gjithashtu burime të mira.
VAJ ULLIRI
Nëse keni nevojë për një vaj të shëndetshëm për të ngrënë ose për t’u përdorur në salcat e sallatës, zgjidhni vajin ekstra të virgjër ulliri. Zëvendësimi i vajit të ullirit për të gjitha vajrat tuaja mund t’ju lejojë të ulni medikamentet e presionit të gjakut ose të ndaloni të gjitha së bashku (bisedoni me mjekun tuaj para se ta ndalni ato). Studimet rekomandojnë 4 lugë në ditë. Vaji i ullirit përmban polifenolë që janë komponimet kundër inflamacionit. Sëmundja e zemrës duket të jetë e lidhur me inflamacionin kronik, kështu që ulja e tij është e dobishme për të gjithë sistemin tuaj kardiovaskular.
PANXHARI
Dëshironi ta ulni tensionin e gjakut në 24 orë? Hani panxhar! Ky i fundit përmban oksid nitrik, që hap enët e gjakut. Veç tij, ka edhe bimë të tjera të pasura me oksid nitrik, përfshirë selinon, lakrën dhe spinaqin.
